Një lajm i zi vjen nga Holanda. Siç raporton ‘De Telegraaf’, Jody Lukoki ka ndërruar jetë mëngjesin e së hënës. Ish-lojtari i Ajax sapo kishte mbushur 29 vjeç dhe shkaqet e ndarjes nga jeta mbeten të panjohura për momentin.
I rritur në sektorin e të rinjve të “Lancers”, lojtari me kombësi kongoleze kishte veshur edhe fanellat e Cambuur, PEC Zwolle dhe Ludogorets. Në verën e vitit 2020 ai nënshkroi me turqit e Yeni Malatyaspor.
Pas përvojës së tij në Turqi, ku luajti vetëm një sezon, Lukoki kaloi te Twente korrikun e kaluar. Mirëpo, ndarja nga klubi holandez ishte “pjekur” qysh shkurtin e kaluar. “Është e pabesueshme. Në këtë moshë është vërtet e tmerrshme. Ne jemi pranë familjes dhe miqve të tij”, – tha Jan Streuer, drejtor teknik i FC Twente.
Vanmorgen heeft FC Twente het verschrikkelijke bericht ontvangen dat Jody Lukoki is overleden. De club is geschokt en diep geraakt door deze tragische gebeurtenis. FC Twente leeft mee met zijn naasten en wenst hen veel sterkte bij het verwerken van dit grote verlies.#fctwente pic.twitter.com/9O3PHapgsL
— FC Twente (@fctwente) May 9, 2022
(BalkanWeb)
