Përjashtimi i tubacionit Druzhba (Miqësia) nga embargoja e fundit e BE ndaj naftës ruse po paraqitet nga qeveria hungareze si një fitore e madhe ndaj Komisionit Evropian.

Kjo vjen pas javësh që Hungaria kërcënoi të vërë veton ndaj paketës së sanksioneve të BE-së, sepse rafineritë në Hungari dhe vende të tjera të Evropës Qendrore varen nga nafta ruse.

Në një video-mesazh natën vonë të hënën, kryeministri hungarez Viktor Orban u tha hungarezëve se mund të flenë të qetë në shtretërit e tyre, të mbrojtur nga kostot e shtrenjta të karburantit dhe ngrohjes që do të thotë embargo për pjesën tjetër të Evropës.

Orban mori një fitore të katërt radhazi në zgjedhje muajin e kaluar, duke premtuar se do të mbajë të ulëta çmimet e shërbimeve dhe karburantit; javën e kaluar, ai njoftoi taksat e reja të papritura për të mbuluar koston e mbajtjes së subvencioneve.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb