Besimtarët mysliman gjatë muajit Ramazan konsumojnë hurma. Por, e dinin arsyen? Sipas disa të dhënave me bazë fetare, konsumimi i tyre është me rëndësi te bëhet çdo ditë për shkak se këto fruta të viseve të ngrohta janë të pasura me shumë vlera ushqyese.

Hurmat stimulojnë funksionimin e rregullt të organizmit për shkak të përbërjes së tyre me vitamina, minerale dhe fibra të shumta. Disa nga përfitimet kryesore janë se ndihmojnë në problemet me kapsllëk, ndihmojnë në luftimin e çrregullimeve të zorrëve, anemisë, kancerit të barkut etj. Sipas specialistëve, konsumimi i vetëm një hurmë në ditë krijon një dietë të ekuilibruar dhe të shëndetshme.

Sipas studimeve të fundit është arritur në përfundim se këto fruta ndihmojnë në parandalimin e kancerit abdominal dhe stimulojnë zhvillimin e muskujve.

Në muajin e Ramazanit konsumimi i hurmës dhe pirja e një gote uji, që është pjesë e kulturës dhe traditës për personat që agjërojnë, krijon ndjesinë e ngopjes dhe kontrollon sasinë e ushqimit të cilën e konsumoni.