E ardhmja e Elseid Hysaj është më enigmatike se kurrë pasi për shqiptarin ditët e fundit mediat kanë raportuar lajme tepër interesante.
Të enjten ishte gazetari italian Livio Varriele që deklaroi se 24-vjeçari i Napolit ka arritur marrëveshjen me Paris SG dhe në fund të sezonit do t’i bashkohet francezëve.
Sot kanë mbërritur raportime të reja të cilat e shohin Hysaj te Manchester United. E përditshmja britanike “The Sun” shkruan se “djajtë e kuq” janë të gatshëm të paguajnë klauzolën e Hysajt e cila është 44 mln stërlina.
Me Mateo Darmian që duket drejt një rikthimi në Itali dhe Valnecia-n i cili është në vitet e tij të fundit Jose Mourinho po kërkon një zgjidhje më afatgjatë.
“The Sun” shkruan se paraqitjet e mira të shqiptarit përgjatë gjithë sezonit dhe jo vetëm e kanë vendosur atë nën objektivin e shumë klubeve të mëdha europiane. Gjithashtu një arsye e mirë sipas kësaj prestigjiozeje për të blerë Hysajn është çmimi i tij.
(e.k/BalkanWeb)
