Zbardhen detaje të reja nga ngjarja e ndodhur gjatë natës së kaluar në Vlorë, ku është shkrumbuar një makinë luksoze tip “Audi”.
Mësohet se i përket një pushuesi nga Maqedonia e Veriut, që kishte ardhur në qytetin bregdetar për pushime prej katër ditësh. Duke folur për gazetarin e “BalkanWeb”, Enrik Mehmeti, pronari i mjetit thekson se nuk ka dyshime për ngjarjen, pasi nuk ka zënka me asnjë.
“Unë nga Maqedonia dhe kam ardhur për pushime ka katër ditë. Ka ndodh kjo. Automjetin e kanë djegur. S’kemi dyshime, s’kemi zënka, s’kemi asgjë me askënd.
Jetojmë në Gjermani dhe kemi ardhur për pushime. Është shumë keq të ndodhin këto. Policia po heton dhe kamerat e sigurisë e kanë kapur çfarë kanë ndodhur”, thekson ai.
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
