Turqia ka më shumë prova në lidhje me vrasjen ç’njerëzore të gazetarit Jamal Khashoggi, brenda ambasadës saudite. Një gazete turke shkruan se ekziston një audio-regjistrim i dytë që mund të zbulojë më shumë të dhëna për vrasjen e 53-vjeçarit.
Regjistrimi vokal mendohet të jetë të paktën 15 minuta i gjatë dhe tregon qartazi se vrasja e gazetarit të Washington Post, ka qenë e planifikuar, shkruan ‘Daily Mail’.
Një provë që e nxjerr kontradiktore deklaratën e prokurorit saudit, i cili pak kohë më parë tha se të paktën 5 persona do të ekzekutohen, në lidhje me akuzat për vrasjen e gazetarit saudit.
Jamal njihej si një kritik i princit të kurorës saudite, Mohammed bin Salman, një nga motivet kryesore të vrasjes së tij.
Pak kohë më parë, kryeministri kanadez, Justin Trudeau theu heshtjen në lidhje me vrasjen e Khashogit, kur tha se kishte dëgjuar regjistrimet turke.
(BalkanWeb)
