Aktori i njohur Neritan Liçaj ka reaguar ashpër ndaj kryeministrit Edi Rama. Duke u ndalur edhe tek zhvillimet e fundit si edhe tek shembja e “Prestige Resort”, Liçaj, tha se institucionet mungojnë.
“Do të rezistoj do të them mendimin tim të lirë. Nuk kam qenë dhe asnjëherë nuk do të jem i dhunshme. Por kam të gjithë të drejtën ligjore të bëj atë që është më e mira për të rrëzuar këtë klikë. Këta nuk e durojnë dot mendimin ndryshe dhe mendimin e kundërt sepse i shqetëson. Nuk mund të jetosh gjithë jetën duke ecur zvarrë. Një herë vdes burri, tani ka ardhur koha që kur të arreston policia është nder e krenari, të arreston regjimi i Ramës. Është tejkaluar edhe propaganda e pështirë…Frashërit, Ismail Bej e Skënderbe shkrinë pasuri të tyre familjare për këtë komb. Jemi në një sistem ganstero mafioz bolsheviko serb. Këta janë partia që do të na çoje drejt Kinës, Rusisë, Beogradit…Ne jemi popull perëndimor, ku do ta çojë me vëllanë serb drejt lindjes. Një i paaftë komplet nuk ka bërë një shkollë, mësues vizatimi është. I paaftë. Fiks si Enver Hoxha do ikim nga Lindja, ç’punë kemi ne me lindjen, jemi me Perëndimin. Ilirikët kanë qenë dominues. Vuçiçi ka zbrit nga karpatet. Ballkani i Hapur është për t’i dhënë mundësi Serbisë, ky do të izolojë dhe shkatërrojë Kosovës. Është kulmi. Më ka bërë të më duket Esat Pashë Toptani lule, ku e gjeti vëlla Aleksandër Vuçiçin ky…E përdor termin nacionalizëm ky? Tani këta janë në rrënim total, çfarë do të ofrojnë këta në zgjedhje lokale, Shukriun me brekë me vrima…Apo Kajmakun…çfarë do të ofrojnë këta apo Erion Veliajn që gënjen edhe Atin e Shenjtë. Çfarë do të ofrojnë këta, ka më moral rilindja…!? Thonë shqiptarët nuk kanë shpresë, ka morë shpresë, kemi votimet me Tiranën, fitime të pastra, figura të papërlyer…”, ka thënë ai.
(BalkanWeb)
