MIRDITË
Një ditë pasi një 34 vjecar humbi jetën në Mirditë, pasi ra në kontakt me energjinë elektrike teksa punonte për shtrimin e kabllorit, policia ka vënë në pranga administratorin e kompanisë për të cilin punonte i riu.
Specialistët për Hetimin e Krimeve në Komisariatin e Policisë Mirditë bënë arrestimin në flagrancë të shtetasit F. R., 34 vjeç, banues në Rrëshen, me detyrë administrator në një kompani interneti.
Në njoftimin e policisë thuhet se arrestimi i këtij shtetasi u bë pasi, më datë 11.07.2021, në fshatin Sheshaj, Mirditë, 34 vjeçari Aurel Dedaj duke punuar për shtrimin e kabllorit për kompaninë, ka rënë në kontakt me rrymën elektrike dhe për pasojë ka ndërruar jetë.
Materialet i kaluan Prokurorisë së Rrethit Gjyqësor Lezhë, për veprën penale “Shkelja e rregullave të mbrojtjes në punë”.
(BalkanWeb)
