Milan ka nisur në mënyrën më të mirë sezonin e ri të Seri A. Tre fitore në po aq ndeshje të luajtura janë një tregues I formës për kuqezinjtë e Stefano Piolit. Në rrugën e “Djallit” është Inter, ndërsa derbi i së shtunës do të tregojë nëse Milani është rritur me të vërtetë. “Ne kemi identitetin tonë dhe filozofinë tonë të lojës, por në futboll testet nuk mbarojnë asnjëherë.

E dimë që na pret një sfidë e vështirë dhe jemi munduar të përgatitemi si duhet në atë pak kohë që kishim në dispozicion. Them se jemi gati”, është shprehur Pioli në konferencën zyrtare përpara sfidës. I gatshëm për Milanin është Zlatan Ibrahimovic. “Kishte një problem, por për fat ia doli dhe tani është aty me ne, plot buzëqeshje e dëshirë për të bërë mirë. Është stërvitur vetëm një javë dhe nuk e di sa minuta mund të ketë në këmbë”, ka thënë trajneri Milanit.
(balkanweb)