Një incident i madh kimik është shpallur në Parkun Olimpik të Londrës me shumë njerëz të trajtuar për “vështirësi në frymëmarrje”.
Policia, zjarrfikësit dhe 22 ambulanca kanë vërshuar drejt Londrës Lindore pasi drama u shpalos mëngjesin e sotëm.
Shërbimi i Ambulancës në Londër konfirmoi se të lënduarit po trajtohen në vendngjarje pas një rrjedhje gazi klori në qendrën ujore.
Kryetari i Bashkisë së Londrës Sadiq Khan u ka kërkuar njerëzve që të shmangin zonën pasi 200 persona u evakuuan.
Brigada e Zjarrfikësve të Londrës tha se po merreshin me raportet për një “incident kimik” dhe u kërkoi banorëve aty pranë të mbyllnin dyert dhe dritaret e tyre.
Ata shtuan: “Për shkak të një reaksioni kimik u lëshua një sasi e madhe gazi klori. Shërbimi i Ambulancës në Londër po trajton një numër pacientësh.”
LAS shkroi në Twitter: “Shërbimi i Ambulancës së Londrës po i përgjigjet një incidenti të madh @AquaticsCentre në Stratford së bashku me kolegët nga @LondonFire dhe @metpoliceuk
“Ne kemi dërguar burime të shumta në vendngjarje dhe po trajtojmë një numër pacientësh.”
Dëshmitarët e tmerruar thanë se ata u evakuuan nga pishina ndërsa ishin ende në rroba banje.
Njëri prej tyre i tha MyLondon: “Isha në pishinë. Të gjithë po kolliteshin duke u përpjekur të mbulonin gojën.”
“Zona është rrethuar dhe evakuuar. Ne po punojmë me shërbimet e urgjencës në vend.
“Ka një sërë të lënduarish me vështirësi në frymëmarrje që po trajtohen nga @Ldn_Ambulance”.
Qendra Ujore u hap në 2012 për Lojërat Olimpike të Londrës, por tani është e hapur për publikun e gjerë.
Ka dy pishina 50 metra dhe një pishinë zhytjeje 25 metra.