Vullkani Sinabung në ishullin Sumatra të Indonezisë ka shpërthyer përsëri duke lëshuar një kolonë masive hiri.
Qendra vullkanike për zbutje të rreziqeve gjeologjike tha se lëshimi i kolonës së hirit filloi në orën 6:07 të mëngjesit sipas kohës lokale.
“Kolona e ashpër u ngrit në 1.000 metra mbi lartësinë e malit ose 3.460 metra mbi nivelin e detit”, tha qendra.
Po ashtu njoftoi se era çoi kolonën e hirit drejt lindjes, jugut dhe juglindjes.
Shpërthimi u regjistrua në një amplitudë maksimale prej 15 mm dhe një kohëzgjatje prej 11 minuta e 59 sekonda.
Autoritetet kanë lëshuar një paralajmërim të nivelit të tretë për të monitoruar statusin e vullkanit Sinabung.
Qendra e vullkanit po ashtu paralajmëroi banorët dhe vizitorët të qëndrojnë 3 kilometra larg nga krateri aktiv.
Vullkani po ashtu shpërtheu edhe të hënën, duke e ngritur hirin dhe tymin 5.000 metra mbi kraterin e saj.
Sinabung për herë të parë u aktivizua në vitin 2010. Gjithsej 23 persona humbën jetën nga shpërthimet në vitet 2014 dhe 2016.//AA