Mediat ndërkombëtare kanë raportuar për pretendimin e Rusisë se materniteti në Mariupol që u bombardua të mërkurën po përdorej nga forcat ukrainase.

Zyrtarët nuk ofruan asnjë provë për të mbështetur pretendimet e tyre, dhe ekipi i dezinformimit të BBC-së ka gjetur prova që kundërshtojnë pretendimet.

Tani ‘Twitter’ ka konfirmuar se ka hequr ‘tweetet’ në lidhje me incidentin nga Ambasada ruse në MB. Një zëdhënës i tha agjencisë së lajmeve Reuters se postimet në Twitter thyen rregullat e platformës në lidhje me “mohimin e ngjarjeve të dhunshme”.

Ambasada ruse në Twitter tha se spitali nuk ishte funksional, ishte marrë nën kontroll nga batalioni ukrainas Azov i ekstremit të djathtë dhe se një grua e fotografuar në vendngjarje po shtiret se ishte përfshirë. BBC ka kontaktuar ambasadën për koment.