Sekretari i Përgjithshëm i NATO-s, Jens Stoltenberg, ka thënë se nuk ka asnjë autor të identifikuar të sabotimit të tubacioneve të gazit Nord Stream që u dëmtuan shtatorin e kaluar.

“Ne nuk kemi qenë në gjendje të përcaktojmë se kush qëndron pas [sabotazhit]”, tha Stoltenberg. “Ka hetime kombëtare në vazhdim dhe mendoj se është e drejtë të presim derisa ato të finalizohen përpara se të themi diçka më shumë.”

Komentet e Stoltenberg vijnë pas një raporti nga New York Times të martën duke cituar inteligjencën e re të rishikuar nga zyrtarët amerikanë, të cilat sugjeronin se një grup besnik ndaj Ukrainës, por që vepronte në mënyrë të pavarur nga qeveria në Kiev, ishte i përfshirë në operacion.

Tubacionet, një burim vendimtar i të ardhurave për Rusinë, u mbyllën në kohën e sulmit, i cili ndodhi disa muaj pasi Moska filloi pushtimin e saj në shkallë të plotë të Ukrainës.