Pas një nisje rekord që I bëri sezonit, Inter ka kuptuar limitet e tij në javët e fundit. Eliminimi nga Champions League dhe më pas dy barazime radhazi në Serie A, i kanë treuar drejtuesëve zikaltër se ndërhyrja në merkaton e dimrit është e domosdoshme. Për këtë kishte ngritur zërin më parë edhe Antonio Conte, që për shkak të dëmtimeve ka pak opsione në stolin e rezervave.
E sigurt është që me këtë skuadër misioni për titullin kampion vështirësohet shumë. Për këtë arsye, Inter ka vendosur të shpenzojë 50 milion euro në sesionin e janarit në tregun e transferimeve. Në krye të listës së blerjeve është Dejan Kulusevski, mesfushori që luan me Parmën, por në pronësi të Atalantës.
Kjo e fundit është gati të shesë fubollistin, por kërkon për kartonin e tij 40 milion euro. Marotta po punon për “sconto” nga ana e klubit bergamask, por deri tani nuk ka patur sukses. I njëjti diskutim edhe për Marcos Alonso. Anësori spanjoll i Chelsea gjithashtu kushton shumë. Blutë e Londrës kërkojnë menjëherë 35 milion euro, ndërsa opsioni i parashtuar nga zikaltërit është huazimi me të drejtë blerje në fund të sezonit.
Ndërkohë janë zbehur ndjeshëm emrat e përfolur javët e fundit. Inter është larguar nga Rodrigo De Paul, për të cilin flitej se kishte arritur edhe një marrëveshje paraprake. Është ftohur edhe pista e Arturo Vidal, pasi Barcelona e ka bërë të qartë se nuk do të heqë dorë nga shërbimet e mesfushorit kilian.
(balkanweb)