Shqipëria luan fatet në Ligën e Kombeve ku përballë Izraelit kërkohet fitorja me çdo kusht për të qëndruar në lojë. Kjo është një prove e madhe edhe për trajnerin Edi Reja, me italianin që i përfundon kontrata në nëntor. Shkëlqim Muça, ish futbollist i Kombëtares, trajneri i mirënjohur, në një intervistë ekskluzive për “News24”, për emisionin “Sport News” të moderuar nga Trevisa Tufa, shprehet i bindur se cikli i Edy Reja-s në Kombëtare ka përfunduar.

Ndryshe nga perceptimi i stafit drejtues të FSHF-së, Muça shton se këto dy sfida nuk janë një test për Edy Reja-n, duket një ndryshim pavarësisht rezultateve që mund të arrijmë, qofshin këto edhe pozitive.

Në sytë e Muçës, Kombëtarja duhet të ndryshojë filozofi për ti marrë më të mirën këtij grupi lojtarësh me shumë cilësi. Muça u ndal edhe tek individë si Asllani dhe Broja, ndërsa theksoi se nëse nuk kualifikohemi si të parët në këtë grup do të ishte një hap pas.

(BalkanWeb)