Deri më 31 gusht, kohë kur përfundon merkato, pritet të dëgjojmë sërish shumë në lidhje me merkaton e lojtarëve, kjo pasi në lojë janë ende disa emra të rëndësishëm si Bernardo Silva, Marco Verratti dhe Frenkie de Jong.
Nga Spanja vijnë lajme shumë intriguese pasi fati i tre lojtarëve duket i lidhur ngushtë me njeri tjetrin.
Bernardo Silva është një objektiv i deklaruar publikisht nga Barcelona, Man.City e ka nxjerr në shitje, por për të arritur te Silva klubi blaugrana është i detyruar të shes.
Në skenë del sërish Frenkie de Jong, vetëm shitja e holandezit mund t’i dhurojë klubit para për të operuar sërish në merkato. De Jong mund të transferohet te PSG, kjo pasi nga Parisi mund të largohet Marco Verratti.
Mesfushori italian nuk ka një raport të mirë me trajnerin Galtier, ndërsa Pep Guardiola e pret krahëhapur te Man.City. Verratti dhe Guardiola, në çdo rast nuk kanë nguruar të shprehin simpatinë për njëri-tjetrin.
(BalkanWeb)