Prokuroria e Krimeve të Rënda ka sekuestruar pasurinë e ish-deputetit të PS, Arben Ndoka, i cili u arrestua në në tetor të vitit 2018 në kuadër të operacionit “Volvo 4”, si i përfshirë në një skemë tjetërsimi pronash.


Burime nga Prokuroria e Krimeve të Rënda bëjnë me dije për “BalkanWeb” se sipërfaqet ndodhen në vende si: “Mali i Rrenzit”, Shëngjin, “Rana e Hedhun”, Laguna e Lezhës si dhe disa apartamente në plazh dhe kanë një vlerë rreth 40 milion euro.


Mësohet se i janë sekuestruar 300 mijë metër katror tokë në bregdetin e Lezhës dhe apartamente, me vendim të gjyqtarit Bib Ndreca. Prokurorët e çështjes te Krimet e Rënda janë Vladimir Mara dhe Dritan Prençi, thuhet në njoftim e Krimeve të Rënda


Nga përgjimet telefonike të Prokurorisë, Arben Ndoka rezultonte i përfshirë në një skemë tjetërsimi pronash në zonën e Kunes dhe Rana e Hedhun në Shëngjin. Gjithçka u zbulua nga hetimet e prokurorisë për vëllain e Arben Ndokës, Gjevi Ndoka, si i lidhur me grupin e Avdylajve të Shijakut, të cilët akuzohen për trafik droge dhe porositës të heroinës së laboratorit të Hasit.

Pronat ishin përfituar në mënyrë të paligjshme me anë të falsifikimit.

(m.a/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb