TIRANË

Ish-deputetja e PD-së Dhurata Çupi ka qenë sot në studion e News24 në rubrikën “Opinion” për të folur për zhvillimet e fundit dhe qëndrimin e demokratëve për 13 tetorin.
Çupi tha se ka një neglizhencë dhe shpërdorim detyre nga ana e KQZ që nuk ka marrë ende asnjë masë. Sipas saj, deklarata e PD është konseguente në vazhdën e qëndrimit të vazhdueshëm për zgjedhje të lira dhe me standarde. Ajo theksoi se edhe vetë kryeministri Edi Rama është penduar për 30 qershorin.

“Është datë në fuqi, datë që duhet të ekzekutohet dhe institucionet të marrin përgjegjësitë. Dekreti i Presidentit brenda Kushtetutës. Kemi një neglizhencë, një shpërdorim detyre nga KQZ që nuk merr asnjë masë në respekt të afateve.
Këtu konstistonte dhe deklarata e fundit e PD. Është në vazhdën e qëndrimit që ka mbajtur PD në mënyrë të vazhdueshme. Jemi në një situatë të jashtëzakonshme, në një situatë jonormale, në një ngërç të pandodhur në 30 vite demokraci. Çdo deklaratë e PD, çdo qëndrim i zotit Basha konsiston në kthimi e normalitetit të vendit.
Ne duhet t’i qëndrojmë asaj që deklarojmë. T’i qëndrojmë parimi demokratik, një vend duhet të ketë zgjedhje të lira, nuk duhet të ketë deformim të procesit zgjedhor. Janë të rëndësishme standardet. Ne i qëndrojmë konsekuent këtij parimi. Ne kemi hequr dorë nga çdo funksion shtetëror që ka pasur opozita, kemi hequr dorë nga parlamenti, që do të thotë ne jemi me parimin, jemi me standardin”, theksoi Çupi.

E pyetur për qëndrimin e aleatëve dhe çfarë po ndodh mes tyre dhe PD, ish-deputetja e PD theksoi se jemi në një linjë.
“Nuk ka asnjë problematikë brenda koalicionit opozitar. Të gjithë aleatët e PD-së kanë qenë në një krahë. I kemi qëndruar parimit për zgjedhje të lira dhe të ndershme. Janë të gjitha palët bashkërisht por duhet të kemi parasysh që çdo opozitë ka detyrimet e veta. Nuk ka asnjë hatërmbetje asnjë ngërç por sigurisht që çdo parti brenda opozitës bën lëvizjet e veta politike. PD e gatshme të marrë pjesë në zgjedhje me standarde. Është forca që ka shumicën. Është e gatshme, e strukturuar, ka një platformë të bashkëqeverisjes. Është një parti që do të jetë në qeverisje. Por vendit i duhen zgjedhje të padeformuara dhe të zhdukë imazhin që në Shqipëri nuk ka zgjedhje të lira”, deklaroi Çupi.

Ajo tha më tej se zgjedhjet pas 2013 në raportet e ndërkombëtarëve janë të kontestuara.
“Cili ka qenë argumenti? Të gjitha provat me zë e me figurë për komprometimin e kupolës së PS. Jemi të gatshme të marrim pjesë në çdo zgjedhje por standardet me Edi Ramën nuk mund të garantohen. Ne jemi sigurisht forca fituese, jemi njësh me qytetarët sot, komunikojmë në mënyrë të vazhdueshme. Sondazhi më i mirë ishte 30 qershori. Zbuloi krejt hapur, 85% e shqiptarëve nuk morën pjesë në propagandën e radhës së kësaj qeverie.
Edhe vetë kryeministri aktual është bërë pishman për datën 30 sepse zbuloi njëherë e mirë të mbështetjes së një pjese të vogël, 13-14 % e qytetarëve shqiptarë për këtë qeverisje. Ishte një referendum popullor”, theksoi Çupi.

Ajo u shpreh se vendi ka nevojë për zgjedhje në të gjitha pushtetet.
“Ka nevojë për riformatim për të gjitha pushtetet. Ka një tendencë pozitive të Presidentit, sigurisht që ne e mbështesim për të kaluar këtë ngërç. Sot nuk kemi institucione të mbështetur nga shumica e shqiptarëve. Çdo zgjedhje që do i vijë vendit është drejt progresit të vendit. Zgjedhje me Edi Ramën kryeministër dhe të kryesuara nga ky kryeministër nuk mund të marrë pjesë asnjë qytetar. Sot është e rëndësishme që vendit t’i garantohen zgjedhje të lira dhe të ndershme”, deklaroi Çupi.

(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb