Ish-futbollisti i Kombëtares, Salvator Kaçaj, ka sulmuar ish-trajnerin e Kombëtares, Kristian Panuçi dhe presidentin e FSHF-së, Armand Duka, për ecurinë negative të Shqipërisë. I ftuar në emisionin “Sport News Plus” të gazetares, Daljana Sejdia, në televizionin “News 24”, Kaçaj u shpreh:

“Paraqitja e Kombëtare ka qenë shumë e turpshme. Sidomos ndeshja ndaj Skocisë. Na është bërë Panuçi, Zoti, por unë mendoj që fajtori kryesor është presidenti i Federatës. Turqia ishte ekipi më i dobët që na ka ardhur në këto 4 vitet e fundit. Nuk kanë organizuar asnjë sulm të rrezikshëm. Ne u vetëvramë. Përjashtimi i Strakoshës mendoj se ishte i qëllimshëm. Ka disa masa të tjera, ai mori masa ekstreme.

Berisha kishte 5 ndeshje që nuk luante. Lind pyetja dyshuese, pse nuk luajti Hoxha i Partizanit? Janë një sërë gabimesh të qëllimshme që lenë për të dëshiruar. Largimi i Strakoshës ishte i qëllimshëm. Panuçi si trajner nuk e meritonte të ishte as si trajner i Vorës.

Përgjegjësitë i ka presidenti i FSHF-së. Gjeja më e turpshme ishte se mbaroi ndeshja dhe kërkonte t’ia vinte fajin lojtarëve. Kërkonte të bëheshe trajner me diktaturë. Respekti fitohet, nuk detyrohet. De Biazi kishte një respekt të ndërsjelltë. Lojtarët kishin frikë të flisnin në intervista. Edhe largimi i Çikalleshtid dhe Agollit, ishte një turp.

Bulku është në një nivel shumë më të lartë se Panuçi. Italiani bëri një mish-mash në thirrjen e lojtarëve. Nuk iu përmbajt asnjë kriteri. Ka bërë sjellje jo-profesionale.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb