Ishte pjesë e bardhebluve të Tiranës në sezonin 2016-2017, por tashmë ka bërë një hap të madh në karrierën e tij.
Bëhet fjalë për ish mesfushorin e Tiranës, Ruben Akuah, i cili është transferuar te skuadra e Hartbergut në Bundesligën austriake.
22-vjeçari luajti në pjesën e parë të sezonit si i huazuar te skuadra Juniors OO, ndërsa arriti të bindte drejtuesit e Hartbergut për ta afruar në skuadër.
Mesfushori ka firmosur kontratë deri në verën e vitit 2019 me klubin e Bundesligës, teksa lajmi është bërë publik nga vetë faqja e Hartbergut në “Facebook”.