Ish-ministrja e Integrimit, Klajda Gjosha ka zbuluar se një nga prioritetet e LSI do të jenë start-ups.
Gjosha shkruan se start-up në të gjithë globin mund të ndikojnë në rimëkëmbjen ekonomike.
Sa i përket Shqipërisë, Gjosha thotë se problemet kryesore që start-up hasin janë financimi, mungesa e lehtësive ligjore, edukimit, njohjes dhe interesit.
Ajo thekson se në këtë drejtim duhet krijimi i shkollave, akademive, laboratorëve, trajnimeve etj ndërkohë që start-up mund të jenë modele suksesi edhe në Shqipëri.
STATUSI NGA KLAJDA GJOSHA
Për shumë vite, startup-et në të gjithë globin kanë provuar se nxisin produktivitetin dhe mund të ndikojnë në rimëkëmbjen ekonomike.
Në Shqipëri, në shumicën e rasteve, startup-et ngecin në ‘fazën e idesë’, për shkak të problematikave dhe mungesës të politikave stimuluese për të rinjtë, në këtë sektor.
Problemet kryesorë që hasin startup-et në Shqipëri janë financimi, mungesa e lehtësive ligjore, mungesa e edukimit, njohjes ose interesit për to.
Për sipërmarrje të reja dhe inovative është shumë i rëndësishëm vizioni dhe për të krijuar një vizion është mëse i nevojshëm edukimi. Pjesa më e madhe e vendeve anëtare të BE-së bashkëpunojnë me institucionet e arsimit të lartë për krijimin dhe mbështetjen e startup-eve. Edukimi në këtë sektor arrihet edhe nëpërmjet krijimit të shkollave dhe akademive, laboratorëve, trajnimeve, forumeve, ëorkshopeve dhe konkurseve që i stimulojnë të rinjtë.
Politika të tjera për startup-et në vendet anëtare të BE-sëpërfshijnë uljen e taksave dhe ndihmën e drejtpërdrejtë financiare për startup-et inovative; rritjen e numrit të vendeve të punës në sektor; rritjen e bashkëpunimit midis institucioneve arsimore, shkencës dhe subjekteve të biznesit.
Modele suksesi nga vende të tjera kanë treguar që nëse ndiqen hapat dhe politikat e duhura stimuluese, edhe një vend i vogël, si Shqipëria, do të ishte një mundësi e mirë për të rinjtë për të shfrytëzuar potencialet dhe idetë e tyre sepse të qënit një treg ivogël, e bën më të lehtë për sipërmarrësit e rinj, studimin e tregut dhe përcaktimin e nevojave të tregut të synuar.
Për LSI start-ups do të jenë një prioritet i rëndësishëm për t’i dhënë mundësi qytetarëve dhe kryesisht të rinjve të jenë inovativ dhe të ndërtojnë të ardhmen në Shqipëri!
#Shqipëriashtëpiajuaj
#25Prill
(BalkanWeb)