ISHSH kontrolle në fasoneritë e Beratit. Kryeinspektorja Vjollca Braho:-“Zero tolerancë për të gjitha fosoneritë që nuk respektojnë protokollin e kuq”.
Inspektorati Shtetëror Shëndetësor ka zbarkuar në qytetin e Beratit për të kryer inspektime në disa fosineri,lidhur me zbatimin e masave që duhet të marrin bizneset për të mbrojtur punëtorët nga përhapja e koronavirusit.
Kryeinspektorja e Inspektoriatit Shëndetësor Shtetëror, Vjollca Braho ka qënë vetë në krye të inspektimeve që janë kryer pasditen e djeshme në 4 fasoneri në qytetin e një mbi një dritareve. E shoqëruar nga Shefi i Inspektoriatit Shëndetësor Shtetëror Berat, Faik Shosha dhe inspektorë të këtij inspektoriati,kanë kontrrolluar përmbushjen e kërkesave të “protokollit të kuq” të përcaktuar nga qeveria për vijueshmërinë e punës në ndërmarrjet fasone.
Kryeinspektorja e ISHSH-së,Vjollca Braho,ka deklaruar se, Ispektoriati që ajo drejton ka mbërritur në qytetin e Beratit për të inspektuar në fasoneritë që vijojnë të jenë në punë.
Qëllimi i këtyre inspektimeve-sipas Brahos-bëhet për të parë nga afër realizimin e “protokollit të kuq” të sigurisë,duke filluar nga kushtet higjeno-sanitare, masat e mara për të parandaluar Covid-19 dhe masat e marra nga fasoneritë për personelin,që nga përdorimi i maskave e dorashkave e deri tek distancimi social prej 2-metër midis punëtorëve. Një tjetër pikë kyçe e këtij inspektimi-thekson Braho-është edhe verifikimi i pranisë ose jo të mjekut brenda ambjenteve të fasonerive për të kontrrolluar çdo ditë gjendjen shëndetësore të punonjësve. Duke theksuar se toleranca do të jetë “zero” për të gjitha bizneset që nuk respektojnë rregullat dhe shkelin ligjin në këtë situatë të rënduar pamdemie, Kryeinspektorja e Inspektoriatit Shëndetësor Shtetëror, Vjollca Braho, ka deklaruar se, të gjithë inspektorët në çdo qytet kanë qënë në terren që në fillim të situatës pandemike dhe do të vijojnë deri në fund të saj, për të përmbushur urdhrat e nxjerra nga qeveria dhe Ministria e Shëndetësisë.
