Pas takimit me kryeministrin e Kosovës  Albin Kurti, i dërguari i posaçëm i Uashingtonit për Ballkanin Perëndimor, Gabriel Escobar ka zbuluar detaje nga ajo çka është biseduar.

Escobar ka deklaruar se me Kurtin ka biseduar në lidhje me faktin që duhet të vijojë puna për implementimin të marrëveshjes për Asociacionin e Komunave me Shumicë Serbe.

Escobar ka thënë se gjatë takimit me Kurtin ka deklaruar se pret angazhim konkret në një të ardhme të afërt mbi këtë çështje.

“Unë e bëra të qartë edhe pritjen time që të fillojmë të flasim për implementimin e Asociacionit të Komunave me Shumicë Serbe. E bëra shumë të qartë, prandaj shpresoj që do të shohim angazhim gjatë kësaj krize në një të ardhme të afërt”, ka deklaruar Escobar.

Ai tha se me Kurtin ka diskutuar edhe për nevojën që secili ta mbajë qetësinë në kohë tensionesh dhe të vazhdohet dialogu.

“Diskutuam për nevojën që çdonjëri të jetë i qetë, për nevojën që të vazhdohet dialogu, për nevojën që të fokusohemi te dialogu i lehtësuar nga BE”, ka deklaruar ai.

Gjithashtu, Escobar ka thënë se Kurtit ia ka shprehur mbështetjen e tij që të lëvizë drejt propozimit franko-gjerman.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: