Koronavirusi nuk kursen as moshat e reja. Një 28-vjeçare nga Korça ka humbur betejën me koroanvirusin. Lajmi bëhet i ditur nga burime për ‘BalkanWeb’.

Mësohet se ajo ishte e shtruar prej disa ditësh në spitalin ‘Shefqet Ndroqi, ndërsa pas përkeqësimit të situatës gruaja ishte intubuar dy ditë më parë. ‘BalkanWeb’ mëson se 28-vjeçarja ndërroi jetë mbrëmjen e djeshme.

Gazetari Erjon Skëndaj në një lidhje direkte për ‘News24’ nga Sanatoriumi, tha se viktima ishte nënë e 3 fëmijëve. Gruaja nga fshati Vloçisht i Maliqit, kishte vetëm pak kohë që kishte sjellë në jetë një fëmijë. Sipas tij, mjekët ditën e djeshme kishin qenë optimistit për përmirësimin e gjendjes shëndetësore të gruas, por një komplikacion në zemër i mori asaj jetën.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb