Maksimiliano Alegri duket se po kalon një moment të vështirë në drejtimin e Juventusit. Pas dominimit në kampionat dhe kualifikimit në Champions, erdhi ajo disfatë në Superkupën e Italisë ndaj Milanit, që i prishi jo pak marrëdhëniet e tij me klubin dhe tifozët.
Tashmë në kampin bardhezi kanë filluar aludimet për të ardhmen e trajnerit italian. Tifozëve duket se u është sosur durimi me Alegrin dhe kërkojnë një tjetër trajner në vendin e tij.
Sipas një sondazhi të kryer, tifozët bardhezinj kërkojnë që në krye të skuadrës së tyre Jurgen Klop, i cili aktualisht është trajner i Liverpulit.
(Gazeta Shqiptare)