Presidenti i Parlamentit Europian, Antonio Tajani deklaroi se do ta pranonte detyrën e kryeministrit të ardhshëm të Italisë, nëse konservatorët do të fitonin në zgjedhjet e përgjithshme të 4 marsit.

Tajani, 64 vjeç, i propozuar disa herë për pozicionin e kreut të qendrës së djathtë nga ish-kryeministri Silvio Berlusconi, deri më tani ka insistuar se dëshiron të qëndrojë në detyrën aktuale.

“Falënderoj presidentin Berlusconi për vlerësimet ndaj meje. E njoftova se jam i gatshëm t’i shërbej Italisë”, tha Tajani gjatë një postimi në Twitter.

Tajani është një politikan që kërkon konsensus, me një karrierë të gjatë në institucionet e BE-së.
Ai u zgjodh për herë të parë në Parlamentin e BE-së, në vitin 1994 si komisioneri Europian për Transportin dhe Industrinë.

Një monarkist në rininë e tij, ai ka qenë një nga anëtarët themelues të partisë “Forza Italia” të Berlusconit dhe shërbyer si zëdhënësi i ish-kryeministrit në vitet 1994-1995.

Ai nuk ka pasur kurrë role të mëdha në politikën kombëtare, por ka kryer detyrën e kryebashkiakut të dështuar të Romës në 2001.

(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb