Coleen Rooney thuhet se do të qëndrojë pranë burrit të saj Wayne pasi ai u fotografua në një dhomë hoteli me tri femra. Trajneri i Derby County ishte fotografuar duke festuar në një klub nate pas miqësore të ekipit të tij kundër Salford City në fundjavë, para se fotot e tij në gjumë në një dhomë hoteli dhe selfiet e bëra me femrat u bënë virale në mediat sociale.
Ndërsa, Coleen mori katër fëmijët e tyre me pushime në Uells, Wayne u pa duke biseduar me një grua misterioze në një klub nate, para se modeli i mediave sociale Tayler Ryan dhe miqtë e saj Elise Melvin dhe Brooke Morgan, ta kapnin atë dhe ta shpijen në dhomën e hotelit.
Nuk ka asnjë sugjerim që Wayne të ketë bërë ndonjë gjë të keqe ose të sillet në mënyrë të papërshtatshme dhe një mik i vajzave këmbëngul se nuk kishte kontakte seksuale.
Një burim i tha The Sun se Coleen beson se Wayne ishte në një situatë të kurdisur nga tri femrat dhe qëndron në mbështetje të tij. Ata i thanë faqes në internet: “Coleen është plotësisht pas tij. Ajo e ndjen se ai ka qenë viktimë e një kurdisje”.
“Ajo ka folur me të dhe po mbështet plotësisht versionin e tij të ngjarjeve. Ata janë bashkë”. Imazhet dhe videot u shfaqën në Twitter të dielën në mëngjes pasi u ndanë midis grupeve të tifozëve në WhatsApp.
https://youtu.be/wso8qs2Bc6w
