Të dielën, ushtria izraelite njoftoi se ka ndërprerë me sukses një raketë të lëshuar nga rebelët Houthi në Jemen, e cila shkaktoi aktivizimin e sirenave të sulmit ajror në Jerusalem dhe disa zona të tjera përreth. Sipas autoriteteve, nuk ka pasur dëme apo viktima të raportuara.

Rebelët Houthi, të mbështetur nga Irani, kanë ndërmarrë vazhdimisht sulme me raketa ndaj Izraelit dhe anijeve tregtare në Detin e Kuq, duke pretenduar se janë në mbështetje të palestinezëve gjatë ofensivës izraelite në Rripin e Gazës. Megjithëse shumica e anijeve të sulmuara nuk kishin lidhje direkte me Izraelin, Houthi-t i kanë përdorur këto veprime si formë presioni.

Në fillim të këtij muaji, SHBA ndaloi fushatën e saj ajrore kundër rebelëve pasi këta të fundit premtuan se do të ndalonin sulmet ndaj anijeve. Megjithatë, ky armëpushim i heshtur nuk ka përfshirë ndalimin e sulmeve ndaj territorit izraelit.

(Balkanweb)