Amazon, gjigandi global i tregtisë elektronike, ka sjellë një shkallë të pakrahasueshme të blerjeve dhe shitjeve online dhe si pasojë pasuri të pakrahasueshme për themeluesin e saj, Jeff Bezos, shkruan revista prestigjioze ‘Forbes’.

Që nga mbyllja e tregut të hënën, Bezos kishte më shumë se 104 miliard dollarë, duke u bërë njeriu më i pasur në botë – të paktën nëse nuk marrim parasysh inflacionin. Në dy vite pasuria e tij neto është rritur mbi 50 miliard dollarë, më shumë se prodhimi i brendshëm bruto (GDP) i Islandës, Belize ose Monakos gjatë të njëjtës periudhë.

Sidoqoftë Bezos nuk është me të vërtetë personi më i pasur ndonjëherë, pavarësisht raportimeve të shumta për të kundërtën. Në bazë të një inflacioni të rregulluar, Bill Gates ka qënë më parë shumë më i pasur. Në prill të 1999, pasuria neto e Gates arriti 100 miliard dollarë për herë të parë kur aksionet e Microsoft-it arritën majat. Ajo pasuri mund të jetë përafërsisht 150 miliard dollarë në vlerën e sotme të dollarit.

Gates, i cili tani vlerësohet se ka një pasuri neto 92 miliard dollarë, do ishte akoma shumë më i pasur nëse ai nuk do kishte dhënë rreth 36 miliard dollarë të aksioneve të Microsoft për shoqatat e bamirësisë gjatë kësaj kohe, shumicën për Fondacionin Bill dhe Melinda Gates, fondacioni filantropik privat më i madh në planet.

Pasuria e Bezos megjithatë është marramendëse dhe ai mund të kryesojë listën e Miliarderëve të Botës për herë të parë kur revista Forbes të publikojë listën e 2018 në muajin mars. Dhe nëse aksionet e Amazon nuk bien papritur, Bezos do ketë pasurinë neto më të madhe ndonjëherë, dhe me një diferencë të madhe.

Kjo është lista e ‘Forbes’ për miliarderët më të mëdhenj të botës gjatë 20 viteve të fundit.

2017
Bill Gates
Pasuria neto: $86 miliard

2016
Bill Gates
Pasuria neto: $75 miliard

2015
Bill Gates
Pasuria neto: $79.2 miliard

2014
Bill Gates
Pasuria neto: $76 billion

2013
Carlos Slim Helú
Pasuria neto: $73 billion

2012
Carlos Slim Helú
Pasuria neto: $69 miliard

2011
Carlos Slim Helú
Pasuria neto: $74 miliard

2010
Carlos Slim Helú
Pasuria neto: $53.5 miliard

2009
Bill Gates
Pasuria neto: $40 miliard

2008
Warren Buffett
Pasuria neto: $62 miliard

2007
Bill Gates
Pasuria neto: $56 miliard

2006
Bill Gates
Pasuria neto: $50 miliard

2005
Bill Gates
Pasuria neto: $50 miliard

2004
Bill Gates
Pasuria neto: $46 miliard

2003
Bill Gates
Pasuria neto: $40.7 miliard

2002
Bill Gates
Pasuria neto: $52.8 miliard

2001
Bill Gates
Pasuria neto: $58.7 miliard

2000
Bill Gates
Pasuria neto: $60 miliard

1999
Bill Gates
Pasuria neto: $90 miliard

1998
Bill Gates
Pasuria neto: $51 miliard

(Përktheu për BalkanWeb/Aleksandra Kola)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: