Kryeministri Edi Rama ndodhet në Dhërmi për masat e domosdoshme për parapërgatitjen e sezonit të ardhshëm turistik.
Ndërsa po inspektonte në zonë me ministren e Turizimit Mirela Kumbaro dhe kryebashkiakun e Himarës, Jorgo Goro, Rama ka bërë batuta si dhe kritika , duke thënë se zona duhet të sistemohet sipas një standardi.
“Vitin tjetër gjërat të jenë ndryshe”, i ka thënë Rama-Kumbaros.
Pjesë nga diskutimi:
Rama: Ato ferrat atje, ato.. shiko ato… rulota, të gjitha duhet të zhduken.
Kumbaro: Do bëhet plan nga Bashkia dhe nga IKMT, do t’i pastrojmë. janë prona private, por janë të hapur për syrin publik.
Rama: Ferra, plehra, teneqe! O Jorgo ç’bëhet kështu?
Kumbaro: Duhet bërë një sistemim i rrugëve.
Rama: Këto lloj teneqesh duhen hequr, ose ta bëjmë bukur ose s’ka.
Kumbaro: Sado që është ndërtuar, është brez në rikualifikim.
Rama: Tela, shufra, duhen prerë, s’duhet të ketë fare.
Kumbaro: Ne mund të bëjmë një projekt rikualifikim të ndarjes së hapësirës private me atë publike.
Rama: Të rregullohet si duhet, kjo nuk mund të jetë kështu. Të hiqen të gjitha, komplet, duhet të jetë pastër.
Kumbaro: Mund të konceptojmë dy tre modele dhe nëpërmjet bashkisë t’u jepen pronarëve për t’i zbatuar.
Rama: Këtu duhet bërë një sistemim. Historikisht; merr, hiq, fut makina, prish. Kjo punë duhet mbyllur tamam.
Kumbaro: Ndoshta mund ta zgjidhim me pistona, siç e kemi te Pazari i Gjirokastrës.
Rama: Të rregullohet dhe rruga, s’ka jo po jo po. Një gur po u hoq, po s’u zëvendësua, hiqen 30. Vitin tjetër të gjithë gjërat duhet të jenë ndryshe.
(BalkanWeb)