JAPONI

Nëntë vite pas incidentit të impiantit të Fukishimas, Japonia po planifikon që ujin radioaktiv të trajtuar ta hedhë në det.

Alarmi është ngritur tek ambientalistët dhe peshkatarët pasi theksojnë se kjo mund të jetë vdekjeprurëse për botën e gjallë në det por shkencëtarët thonë se uji nuk është shumë i përqëndruar dhe s’ka risk prej këtij uji radioaktiv.

Plani është për vitin 2022 por qeveria konfirmon se s’ka asnjë vendim. Miliona ton ujë do të lëshohen në oqeanin Paqësor në rast se një vendim pozitiv merret.

Kujtojmë se impianti nuklear i Fukushimës u shkatërrua nga cunami i 2011, që u shkaktua nga një tërmet 9 ballë dhe që shkaktoi mbi 18 mijë viktima.

(BalkanWeb)