Nicolo Zaniolo do të largohet nga Roma. Ky është lajmi i dhënë sonte nga mediat italiane, të cilat tashmë janë të bindura për mesfushorin, por ka akoma shumë enigma sa i takon ekipit të tij të ri.

23-vjeçari nuk është në planet e Mourinhos dhe tekniku i ekipit nga kryeqyteti ua ka komunikuar diçka të tillë drejtuesve. Ky është sezoni i katërt i Zaniolos te Roma, pasi më parë ka luajtur për Inter U19 DHE Entella.

Shumë skuadra italiane do donin të kishin në dispozicion italianin. Nuk përjashtohet mundësia e kalimit të tij në Milano, teksa tashmë nuk ka mbetet gjë tjetër veçse të presim e të shohim.

(BalkanWeb)