Dy shtetas grek tentojnë të kalojnë pa kontroll në doganën e Kakavijës, pa formularin PLF dhe pa testin PCR. Ata tentuan hyrjen në tokë greke duke u paraqitur si punonjës të EYP (Shërbimi sekret grek).

Policia greke ka ushtruar kontroll të imtësishëm në mjetin e tyre me ndihmën edhe të qenit nuhatës dhe ka gjetur një sasi të vogël marijuanë. Policia greke ka arrestuar dy shtetasit për posedim lëndësh narkotike, përdorim të rremë të funksioneve publike dhe shkelje të rregullave në kuadër të luftës kundër COVID.