SHBA

Jennifer Aniston dhe Friends-at sapo kanë përfunduar episodin e ribashkimit të shumëpritur. Por fill pas kësaj, tabloidet evropiane filluan të pretendonin se Aniston po adopton një fëmijë.

Lajmi mori një koment direkt nga përfaqësuesi i Aniston, duke mohuar raportet.

“Thashethemet për Jennifer në lidhje me procesin e birësimit të një fëmije, janë të rreme dhe nuk kanë ndodhur kurrë.”

Aniston ka qenë prej kohësh subjekt i lajmeve të rreme të shtatzënisë dhe mbulimit të vazhdueshëm të jetës së saj të dashurisë (veçanërisht marrëdhëniet e saj me Brad Pitt).

Në intervistën e saj tek ELLE në janar 2019, Aniston foli sinqerisht në lidhje me trajtimin e medias për të qenit beqare dhe karakterizimin e martesës së saj të kaluar me Pitt.

“Martesat e mia, ato kanë qenë shumë të suksesshme, sipas mendimit tim personal,” tha ajo. “Dhe kur ato morën fundin, ishte një zgjedhje që u bë sepse ne zgjodhëm të ishim të lumtur, dhe ndonjëherë lumturia nuk ekzistonte më në atë lidhje. Sigurisht, kishte probleme, dhe jo çdo moment ndihej fantastik, padyshim, por në fund të saj, ne kemi një jetë dhe nuk do të qëndroja në një situatë nga frika. Frika nga të qenit vetëm. Frika se mund të mos mbijetoni. Të qëndrosh në një martesë të bazuar në frikë, të duket sikur po i bën dëm jetës tënde. Nuk është një dështim. Ne kemi këto klishe rreth gjithë kësaj që duhen ripunuar dhe rigjetur, e dini? Sepse është mendim shumë i ngushtë ”.