Jennifer Lopez bëri një paraqitje mbresëlënëse në premierën e filmit të saj të ri ‘Shotgun Wedding’ në ‘TCL Chinese Theatre’.
Trupi i saj i përsosur u ekspozua për fansat teksa zgjodhi të vishte një krijim maxi të Valentino me kristale dhe një hark të verdhë të ndezur në bel. Flokët e saj ishin të tërhequr në një topuz dhe ajo e kompletoi look-un e saj me një palë vathë të gjatë dhe një çantë prej kadifeje të verdhë.
Bashkëylli i Lopez, Josh Duhamel, i tha People për punën me Lopez dhe xhirimet e filmit. “Kam pasur një nga momentet më argëtuese duke bërë këtë film “, ndërsa vuri në dukje vendndodhjen në Republikën Domenikane. ” Një nga vendet më të bukura në botë “.
Prodhuar nga ajo dhe aktori hollivudian Ryan Reynolds, filmi i saj i ri është një komedi romantike që përfshin një çift të fejuar me familjet e tyre në një destinacion ekzotik për dasmën e tyre të ardhshme. Megjithatë, dasma merr një kthesë… dramatike kur të gjithë të ftuarit bien viktimë e një situate të çuditshme pengjeje.
Sinopsis
Darcy dhe Tom mbledhin familjet e tyre të dashura, por shumë ndërhyrëse në një destinacion krejtësisht ekzotik për martesën e tyre. Veç se marrëdhënia e të porsamartuarve është mbushur me hije dhe sikur të mos mjaftonte kjo, befas të gjithë bëhen viktima të një situate të çuditshme pengmarrje. Fraza “derisa vdekja të na ndajë” merr një interpretim krejtësisht të ndryshëm pasi Darcy dhe Tom luftojnë për të shpëtuar të dashurit e tyre.
Shikoni trailerin
Regjisori është Jason Moore, ndërsa skenari është shkruar nga Mark Hammer. Luajnë: Jennifer Lopez, Josh Duhamel, Sonia Braga, Jennifer Coolidge, Lenny Kravitz
“Shotgun Wedding” pritet të publikohet më 27 janar në Amazon Prime Video.
