Paul Pogba ka qenë dhe mbetet një nga emrat më të lakuar në tregun e transferimeve. Mesfushori francez nuk është më i lumtur në “Old Traford”, ky është një fakt i bërë publik nga agjenti i tij. Nëse COVID-19 nuk do të kishte pushtuar botën, Pogba me shumë mundësi do të ishte në një tjetër skuadër, mbase Real Madrid. Në kushtet e imponuara nga pandemia, shumë pak klube e kanë mundësinë të investojnë për një lojtarë si Pogba, pavarësisht këtij fakti, nga Anglia insistojnë se admiruesit për Pogba nuk mungojnë.
Sipas “Daily Star”, Maurico Pochettino i ka kërkuar drejtuesve të PSG një sforco ekonomike për të siguruar shërbimet e mesfushorit francez. Pogba nuk është një emër i panjohur në Paris, edhe më herët është lakuar për një transferim në kryeqytetin francez, por me Pochettino në stol duket se Pogba është kthyer në prioritet.
(BalkanWeb)