Johnny Depp dukej se e kishte hedhur pas betejën e tij gjyqësore me ish-gruan Amber Heard në daljen e tij të parë publike që nga vendimi, duke u shfaqur në një koncert në Gateshead.
Aktori u bashkua me kitaristin Jeff Beck në pjesën e fundit të turneut të tij në Mbretërinë e Bashkuar për kënaqësinë e qindra fansave në vendin e Sage të enjten. Beck zbuloi gjithashtu lëvizjen e radhës në karrierë të Depp, një album që dyshja do ta publikojnë së bashku muajin e ardhshëm. Koncerti erdhi një ditë pasi Depp fitoi gjyqin në SHBA.
Ai mungoi në gjykatën e Virxhinias kur juria vendosi se pretendimi i Heard se ajo ishte viktimë e abuzimit në familje ishte i rremë. Depp u pa të mërkurën në mbrëmje në një lokal në Newcastle me Beck. Pas vendimit, ai bëri një deklaratë duke thënë se po priste me padurim për “një kapitull të ri”.
Depp nuk foli për gjyqin në skenë, por Beck iu referua duke thënë: “Çfarë rezultati”. Kitaristi britanik u tha të pranishmëve: “E takova këtë djalë pesë vjet më parë dhe që atëherë nuk kemi pushuar së qeshuri. Në fakt bëmë një album. Nuk e di se si ndodhi. Do të dalë në korrik.” Dyshja kanë publikuar më parë një cover të John Lennon, ‘Isolation’, e cila ishte ndër këngët që Depp këndoi të enjten.
“Unë mendoj se ai po argëtohej,” tha më pas një fans. “Ai dukej shumë i lumtur. Ai dukej se ishte në një vend të mrekullueshëm. Ai është duke luajtur muzikë, duke bërë diçka shumë argëtuese, dhe mendoj se kjo u duk qartë. Turma ishte pas tij dhe mendoj se ai u dha njerëzve atë që donin të shihnin. Është e mrekullueshme ta shohësh atë në Newcastle.”
I konsideruar si një nga kitaristët më të mëdhenj ndonjëherë, ylli i dikurshëm i ‘Yardbirds’ ftoi fillimisht idhullin e Hollywood në skenë me të javën e kaluar dhe Depp tani do t’i bashkohet të gjitha koncerteve të mbetura të Beck. Ylli amerikan mori brohoritje të mëdha nga shumë fansa në turmë.
Gjyqi dha një pasqyrë të jetës personale të Depp-it, e cila ndonjëherë nuk ishte e këndshme, pavarësisht fitores së tij në lidhje me akuzën qendrore për abuzim në familje.
