Jorginho ndërroi kah dje, duke kaluar nga Chelsea te skuadra e tjetër e Londrës, Arsenal. Mesfushori nuk shkoi vetëm te Gooners, pasi klubi do të ketë edhe një tifoze më shumë.
Bëhet fjalë për partneren e italianit, Catherine Harding. Harding është këngëtare britanike, yll televiziv dhe tekst-shkruese shumë e njohur.
Jorginho dhe Catherine janë në një lidhje që nga viti 2020, menjëherë pasi fituesi i Ligës së Kampionëve asokohe, u nda nga gruaja që kishte prej dy vitesh Natalia me të cilën kanë një djalë të vogël të quajtur Jax, lindur në vitin 2021.
Catherine mund të jetë e njohur për disa si një konkurrente në The Voice. Ajo u shfaq në edicionin 2020 dhe këngëtarja arriti në fazën e nokautit përpara se të eliminohej.
Bukuroshja është aktive në rrjetet sociale, shpeshherë poston foto të partnerit nga jeta futbollistike, apo edhe gjatë pushimeve në vende të ndryshme.
(BalkanWeb)