Ardien Rabiot dhe Juve nuk kanë qenë kurrë kaq pranë njëri-tjetrit. Lajmi vjen nga Spanja, ku burime të sigurta nga emisioni “El Chiringuito” flasin me detaje: Rabiot ka firmosur një kontratë 5 vjeçare nga ku do të përfitoj 7 milion euro neto në sezon ndërsa agjenti i tij do të përfitoj 10 milion euro komision.
24-vjeçari në janar ishte shumë pranë Barcelonës por ndërmjet klubit blaugrana dhe PSG nuk u arrit në asnjë moment akordi i duhur, kjo për një arsye të qartë, spanjollët ndryshuan destinacion duke u fokusuar te De Jong, lojtar më të cilin gjetën akordin. Në pritje të zyrtarizimit të këtij transferimi, ardhja e Rabiot ndryshon totalisht strategjinë e Juventusit në merkato.
“Zonja e Vjetër” me sa duket ka hequr dorë nga ideja për të rikthyer Pogba në Torino, duke ia bërë më të lehtë gjerat Realit. Po ashtu bie edhe pista Milikovic Savic, me serbin i cili kthehet në prioritet të PSG. Me ardhjen e Rabiot, mesfusha e Juves mund të konsiderohet e kompletuar, fokusi tashmë rikthehet në qendër të mbrojtjes ku objektiv kryesor është De Ligt.
Prej kohësh bardhezinjte janë vënë në ndjekje të kapitenit të Ajax, ky është momenti i duhur për tu paraqitur me një ofertë zyrtare, për më tepër që De Ligt i ka thënë jo një transferimi të mundshëm te Barcelona.
(BalkanWeb)