Juventus tërhiqet nga Superliga Europiane. Relevo raportoi sot se bardhezinjtë i kanë dërguar një deklaratë zyrtare Barcelonës dhe Real Madridit duke konfirmuar se “Zonja e Vjetër” nuk do jetë pjesë e projektit.

Ky vendim duket se ka lidhje me frikën e Juventusit për një pezullim të mundshëm nga UEFA për 5 vite nga të gjitha kompeticionet europiane.

Klubi italian po distancohet nga ish-presidenti Andrea Agnelli, i cili dha dorëheqjen së bashku me të gjithë bordin e drejtorëve kur shpërtheu skandali i plusvalencave.

Gjithsesi, pavarësisht se Juventus po bën prapakthehu, zemërimi i UEFA-s është i madh dhe pezullimi nga Europa për sezonin e ardhshëm është diçka qe më shumë gjasë do të ndodhë. Në Torino luten që pezullimi nga kompeticionet europiane të mos jetë shumë i gjatë.

(BalkanWeb)

Sondazh


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: