Juventusi edhe një herë është pranë titullit në “Seria A”, por sipas raportimeve shpallja kampion në kampionat dhe Kupë nuk do ta shpëtojnë Massimiliano Allgeri-n nga shkarkimi. Kjo për shkak se bardhezinjtë janë me një këmbë jashtë “Champions League” si pasojë e humbjes 0-3 në ndeshjen e parë çerekfinale kundër Real Madrid.
Sipas mediave italiane, zërat janë shtuar se Allegri do të shkarkohet në fund të këtij sezoni, edhe nëse Juventus fiton titullin në Serinë A.
Ai i ka dhënë Juventusit tre kampionate dhe tre Kupa të Italisë, ndërsa e ka dërguar dy herë në finale të Champions League gjatë katër viteve të fundit. Por a mjafton që Allegri të qëndrojë, apo i ka ardhur fundi cikli i tij?
Gjithashtu edhe mosha mesatare e Juventusit është për t’u riparë, pasi është 29.4 vjec. Mbrojtja është reparti për t’u rinovuar. Mesa duket, Juventus është në prag të revolucionit që do të nisë nga…Allegri.
(BalkanWeb)