Anëtari i Këshillit Kombëtar të Partisë Demokratike Aleksandër Biberaj ka folur për situatën politike në vend, dhe protestën e pedagogëve.

I ftuar në rubrikën “Opinion” ai u ndal tek premtimet e Ramës për të rritur pagat e pedagogëve me 7%, ku tha se kjo është tallje nga Edi Rama.

Duke vijuar më tej ai tha se Berisha është i hapur për bashkëpunim dhe se ka një dritë jeshile në horizont për bashkimin e PD-së.

“Protesta ishte shumë e mirë, civile, qytetare. Kishte përfaqësues nga të gjitha rrethet. Kërkesat janë të nivelit akademik. Edi Rama vazhdon me modelin e talljes dhe përmendi 7% që po të përpjestohet, rritet një banane në ditë. Nuk gënjehen pedagogët me një banane në ditë. Këto janë qiqra në hell. Gjykon për arsimin një që smer vesh as nga arsimi as nga ekonomia. Nuk mund të jesh me vetëfinancim kur tarifat i përcakton shteti.
Universiteti është autonom për sa i përket anës akademike, jo ekonomike.

Me ligjin e vitit 2015 menaxhohen nga bordi, dhe shumicën e ka qeverisja, dhe të ardhurat janë të limituara, ne marrim të ardhura nga studentët vetëm nga tarifat, nuk kemi akses në asnjë lloj projekti.

Janë miliarda lekë që vidhen. Asnjë universitet nuk merr projekte nga qeveria, ndryshe është në vendet e tjera ku marrin projekte dhe të ardhurat e tyre janë qindra milionë.

Këtu të ardhurat e universiteteve janë qesharake. Zoti kryeministër si ti rrisim ne të ardhurat, kur në prokurimet i ke të përcaktuara kush është fituesi. Nuk kemi akses në projekte dhe asnjë lloj fondi publik.
Nëse nuk plotësohen kriteret universitet nuk hapen. 7% është banane për Edi Ramën. Do bojkotohet mësimi. Kjo protestë është mbështetur nga 100% e pedagogëve.

Nëse 430 mln euro vidhen nga Edi Rama dhe banda e tij, dhe diskutohen disa milion për të rritur pagat e pedagogëve kjo është skandaloze.

Ne kemi dashur që në fillim të vitit, por ishim si të thuash bashkëpunues nga situata, lufta, tërmeti.
Ky zhgarravitësi i ka rritur taksat në mënyrë të tmerrshme. Në të gjithë anët vetëm vjedh, vetëm rrjep. Ai do marrë vesh me presion se me llogjikë s’mer vesh”, tha ai.

Duke folur për situatën në PD, Biberaj tha: Kryeministri rrëzohet me protesta, sepse ky ka bllokuar rotacionin politik, votimet e lira dhe të ndershme. Ne natyrisht duhet të bashkohemi dhe përgjegjësia bie mbi Sali Berishën. Kur je në opozitë s’ke luksin për të pasur askënd kundër. Ne duhet të jemi të unifikuar dhe të krijojmë një koalicion sa më të madh, me çdo faktor politik, organizata të ndryshme për të krijuar një koalicion që sjell fitoren.
Berisha është i hapur për bashkëpunim, ndoshta ka pasur në një moment të caktuar presion nga pjesa e foltores. Për mua gjëja kryesore është largimi Edi Ramës. Unë s’kam asnjë dashuri për pushtetin se kam profesionin tim.

Zoti Alibeaj dhe shumë emra të tjerë në politikë janë prej mbështetjes që kanë gjetur nga Berisha. Unë jam optimist se do bashkohemi. Nuk është çështje luksi por nevoje emergjente.

Do dalim e gjithë opozita me një kandidat. E para duhet të rrëzojmë Edi Ramë, dhe do fitojmë shumicën e bashkive. Protesta, greva në çdo qytet, në çdo lagje, nuk kemi rrugë tjetër. Protestat e Bashës ishim me tullumbace dhe lule. I kam thënë nuk rrëzohet kështu por s’ma ka vini veshin.

Qytetarët nuk lodhen, po i lodh kjo qeverisje. Po mendojnë për të ik nga Shqipëria biznesmenë, shtresa mesme. Është situatë e tmerrshme.

Këtu vidhem miliarda, dhe nuk ka nevojë më për denoncime. Nuk jemi më për të denoncuar por për të përmbys këtë pushtet.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: