Hidhet shorti i Serie A për sezonin 2021-2022, i cili do të startojë në datën 22 gusht dhe mbaron në datën 22 maj. Kampionët e Italisë, Inter, do ta nisë në shtëpi sezonin e ri, teksa do të presë Genoa-n.
Milani do të luajë në transfertë me Spezia, ndërsa Juventus në transfertë me Udinesen. Roma do të ketë një përplasje me Fiorentina-n që në javën e parë, ndërsa Lazio do të luajë në transfertë kundër Empolit.
Shorti i javës së parë ka rezervuar një përballje të lehtë për Napolin, që do të ndeshen me të sapongjiturën Venezia. Ndërkohë, Torino do të presë në shtëpi Atalanta-n.
Starton : 22 gusht 2021
Mbaron: 22 maj 2022
Ndeshjet në mesjavë: 22 shtator 2021, 27 tetor 2021, 1 dhjetor 2021, 22 dhjetor 2021 dhe 6 janar 2022
Pushimet dimërore: 26 dhjetor 2021 deri në 2 janar 2022
Grumbullimet me ekipet kombëtare: 5 shtator 2021, 10 tetor 2021, 14 nëntor 2021, 30 janar 2022 dhe 27 mars 2022
(BalkanWeb)