Kryeministri Edi Rama i kërkon Presidentit serb Aleksandar Vuçiç të hapë traun për 24 kamionët me mallra të bllokuar në kufirin Kosovë- Serbi prej 24 orësh.
Rama në një mesazh shqip dhe serbisht i lutet Presidentit serb që rajonin e Ballkanit Perëndimor ta bëjnë shembull rrezatues të solidaritetit për të fituar luftën me armikun koronavirus.
STATUSI I EDI RAMËS
Aleksandar Vuçiç
Vetëm përmes solidaritetit pa kufi e kompasionit si njerëz të sulmuar nga një armik i egër, ne mund e duhet të fitojmë!Ju lutem z.President ngrijeni traun për kamionët e le ta bëjmë rajonin tonë shembullin rrezatues të #Solidaritetit kaq të nevojshëm për ta fituar luftën
Prej 24h kamionët me mallra nga Kosova janë bllokuar në kufirin e Serbisë! #LinjaeGjelbërt në rajon s’mund t’i nënshtrohet rregullave të çdo vendi, po veç një rregulli të thjeshtë: Këtë luftë që duhet ta fitojmë së bashku duke ndihmuar njëri-tjetrin jo armikun e pakufi!
(BalkanWeb)
