Mark Carney ka shpallur sot zgjedhjet e përgjithshme të parakohshme më 28 prill.

Carney zëvendësoi Justin Trudeau, i cili njoftoi dorëheqjen e tij në janar, por mbeti në pushtet derisa partia qeverisëse Liberale zgjodhi Carney më 9 mars.

Kryeministri i 24-të i Kanadasë, më 14 mars ka thënë se qeveria në një kohë krize ka nevojë për një mandat të fortë dhe të qartë.

Carney, 60 vjeç, ishte kreu i Bankës së Kanadasë gjatë krizës financiare të vitit 2008. Në vitin 2013 ai u bë i pari jo-shtetas i Mbretërisë së Bashkuar që drejtoi Bankën e Anglisë – duke ndihmuar në menaxhimin e ndikimit të Brexit.

Pierre Poilievre, lideri i konservatorëve, është sfiduesi kryesor i Carney.

Si funksionojnë zgjedhjet federale në Kanada?

Fushata zgjedhore do të zgjasë 37 ditë. Ka 343 zona elektorale ose zona zgjedhore – në të gjithë vendin. Secili prej tyre ka një vend në Dhomën e Komunave.

Të gjitha vendet në Dhomën e Komunave, dhoma e ulët, do të merren në zgjedhje.

Senatorët, të cilët ulen në dhomën e sipërme, emërohen dhe nuk konkurrojnë për zgjedhje.

Ashtu si Britania e Madhe, Kanadaja përdor një sistem elektoral ku kandidati me më shumë vota në garë fiton vendin dhe bëhet deputet.

Kryesuesi i partisë me më së shumti deputetë të zgjedhur zakonisht formon qeverinë. Partia e dytë zakonisht formon opozitën zyrtare.

Nëse asnjë parti nuk fiton një shumicë, quhet një parlament i varur ose një qeveri e pakicës. Kjo do të thotë se partia më e madhe nuk do të jetë në gjendje të miratojë ligje pa ndihmën e partive të tjera.