Një 25-vjeçare ka rënë në prangat e policisë së Tiranës, pasi akuzohet se ka kanosur në mënyrë sistematike një 54-vjeçar, ku i kërkonte një shumë eurosh.

Burime zyrtare bënë me dije se bëhet fjalë për shtetasen me inicialet E.R., e cila akuzohet për veprën penale “Shtrëngimi me anë të kanosjes ose dhunës për dhënien e pasurisë”.

“Nga specialistët për Hetimin e Krimit në Komisariatin e Policisë Nr. 1 u bë arrestimi në flagrancë, për veprën penale “Shtrëngimi me anë të kanosjes ose dhunës për dhënien e pasurisë”, i shtetases E. R., 25 vjeçe, sepse në mënyrë sistematike ka kanosur shtetasin H. V., 54 vjeç, për t’i marrë një shumë eurosh. Materialet i kaluan Prokurorisë së Rrethit Gjyqësor Tiranë, për veprime të mëtejshme.”, thuhet në komunikatën e policisë.
(BalkanWeb)