Futbolli në Itali nuk ka nisur ende por “bigët” e Serie A kanë filluar të grinden ndërmjet tyre. Shkak për këtë përplasje është bërë data e ndeshjeve të kthimit në gjysmëfinalet e Kupës së Italisë. Sipas kalendarit më 12 qershor luhet Juventus-Milan ndërsa më 13 qershor Napoli-Inter, ndërsa finalja është fiksuar më 17 qershor. Inter është klubi që është penalizuar më shumë në këtë rast pasi më 20 qershor është i detyruar të luaj kundër Sampdorias ndeshjen e prapambetur, sfidë e cila përkon edhe me rifillimin e sezonit në Serie A.

Lukaku
Lukaku

Klubi ziklatër kërkon që të luajnë atë të parët në Kupë, më 12 qershor, por kjo kërkesë ka sjell menjëherë një “Jo” të prerë nga Juventus e Milan. Mes Kupës dhe Serie A, Inter është i detyruar të luaj katër ndeshjes mes datave 13 dhe 24 qershor, një kalendar shumë i ngjeshur. Inter kërkoi që finalja e Kupës të zhvillohet më 2 gusht por dhe në këtë rast zikaltërit morën një refuzim të prerë. Mbetet për tu parë nëse Inter do të dërgoj ekipin e të rinjve në sfidën e kthimit kundër Napolit, një hipotezë e cila tashmë po fiton më shumë kuota.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb