Futbolli spanjoll vijon të jetë i zhytur në kaos, ndërsa për t’i dhënë një goditje të rëndë planit për rinisjen e sezonit kanë menduar vetë futbollistët. Me anë të sindikatës së tyre, lojtarët e Ligës kanë hdhur poshtë protokollin e prezantuar nga Komisioni i Sportit dhe që projektonte rikthimin e skuadrave në fillim në stërvitje dhe më pas në garë për të mbyllur sezonin.

Sipas futbollistëve, protokolli nuk është I qartë dhe dy janë pengesat më të mëdha. Si fillim kërkohet më shumë siguri dhe se nga protokolli I prezantuar nuk qartësohet se çfarë do të ndodhë nëse dikur rezulton pozitiv kur futbolli të kthehet në fushë. Sipas mediave spanjolle, ky qëndrim i sindikatës së futbollistëve minon shpresat për të rinisje të La Liga. Më parë, lojtarët kishin kundërshtuar edhe mundësinë e grumbullimeve të gjata që do t’i mbanin ata larg familjeve. Tema të nxehta që kërkojnë zgjidhje të shpehtë, pasi koha kalon dhe afati I përcaktuar për të mbyllur sezonin ngushtohet ndjeshëm, duke forcuar edhe skenarin francez për pezullim të parakohshëm të kampionatit.
(balkanweb)