GREQI
Janë kapur 115 kilogramë marijuanë në aksin rrugor Kakavaijë – Janinë, panë vendit të quajtur Kranula.
Policia greke ka arritur të ndalojë dy kamionë, të dyshuar se transportonin lëndën narkotike.
Brenda njërit prej tyre u gjetën dhe sekuestruan 24 pako me 115 kilogramë marijuanë, ndërsa mjeti tjetër shërbente për kontrollin e rrugës.
Ndërsa, nga ana e policisë helene janë vënë në pranga dy drejtuesit e mjeteve. Detajet për këtë operacion ende nuk janë bërë të ditura.
Bëhet me dije se një nga të arrestuarit është shtetasi shqiptar Spiro Dukoli. Ai ishte duke udhëtuar me kamionin me targat AA 328 ET. Dukoli është 29 vjeç.
(d.xh/ balkanweb)