GREQI- Kapet sërish drogë nga Shqipëria në anën tjetër të kufirit. Policia greke ka ndaluar një mjet në Kostur, pranë Kapshticës, ku janë gjetur dhe sekuestruar 5 pako me drogë, gjithsej 5310 gram marijuanë.
Ndërkaq policia greke ka arrestuar shoferin, një shtetas shqiptar 46 vjeç si dhe personin që do të merrte drogën, një 45-vjeçar grek.
Dy automjetet e personave në fjalë, 2 celularët dhe 3 karta sim janë sekuestruar gjithashtu nga policia greke.
(m.k/BalkanWeb)